خناقتي مع رد سجون

اكتر حاجه بحسها underratted بالنسبالنا هي مشاعرنا  

مع ان لو جينا بصينا على تصرفتنا هنلاقي ان مشاعرنا مشاركه ف التصرف او القرار اللي اخدنا واللى مفكرينه انه جاي من عقلنا 

تعالى ابينلك قد ايه اكتر حاجه ممكن تخوف ف البني ادم هي المشاعر 

جيب اكتر شخص بيعرف يتحكم ف نفسه وخليه يحس بالغيره او نرفزه او اوجعه 

المشاعر الانسانيه هي عندها القوه والسلطه ف انها تغير عقلنا تغير نظرتنا للحياه انها تغير سلوكيتنا انها تخلينا ننام شخص ونصحي حد تاني 

يعني الحب ودا بقي على قمه المشاعر 

انت ممكن بسبب الحب دا تغير حاجات فيك عشان الحب دا يكمل 

عشان الحب فعلا بيعمي 

ممكن تتخلى عن كل القواعد اللى عايش بيها ممكن تقرر وانت مش واخد بالك انك تتغضى عن كل عيوب الشخص اللي قدامك مهما كانت عيوبه دي قاتله

ممكن ماتفكرش ولو فكرت وعارف ان العلاقه دي مش هتكمل او هتبقي خزوق 

الطبيعي ان عقلك بيصدر قرار انك تبعد تقطع انما انت بتقرر تلغي العقل تغمي عين بصيرتك وتكمل 

انت بتقرر تلغي عقلك اللي مهمته انه يحميك من كل خطر انت ممكن تتعرضله لمجرد ان حاله مشاعرك اللى بسبب الحب دى تكمل 

انت بتخلي مشاعرك ليها superiority على عقلك على المنطق على اي صوت بيقولك الحقيقه

 المشاعر ممكن تقتل مشاعر الغضب ممكن تقتل او مشاعر الانتقام بردو دي من اكتر المشاعر اللي بتتعظم جوانا لدرجه انها بتعمي ممكن يجيلنا نوبات غضب بنتصرف تصرفات مش بتاعتنا واستحاله نعملها ف حالتنا الطبيعيه ولما نعرف اللي عملناه بنستغرب نفسنا اننا عملنا كدا 

احنا ممكن بسبب مشاعر الغضب دي نبقي اقوي من الطبيعي  

حرفيا بنتبدل بيتلبسك شيطانك 

 المعروف ان المشاعر دي طالعه نازله بلاتوه شويه الا مشاعر الانتقام ممكن تفضل جواك سنين وممكن تكبر مع الوقت 

نيجي بقي لاكتر مشاعر ماحدش بيعرف يتحكم فيها مهما كنت بتعرف تتحكم ف نفسك لما بتغضب او بتحب وهي مشاعر الغيره مهما حاولت ماتبينش انك بتغير فهي هتظهر عليك باي شكل من الاشكال دي المشاعر اللى مش هتعرف تمسكها عمرك وتكبتها زي اي مشاعر تانيه دي عامله زي القنبله اللي لو سمحتلها انها تنفجر فهي هتنفجر وهي المشاعر اللي فجأه بتظهر بكل قوتها مش بتزيد وحده وحده زي الحب او الغضب و مش بتقل وحده وحده زي الوجع 

الوجع بقي دا حوار تاني خاص 

اغلبنا شايف ان الحب دا اعظم مشاعر و اقواها 

الحب معاك انه قوي وبيغيرنا بس تغير مؤقت لحد ما بنرجع نفتح تاني وغشاوه الحب تروح

انما الوجع هي مشاعر قويه بتصدمك ممكن تدخلك ف حاله تروما و شويه شويه ممكن اكتئاب وممكن تدخلك ف امراض نفسيه انت كنت بعيد عنها 

الوجع دا بقي ممكن يغيرك كلك من اول تفكيرك ونظرتك للدنيا وترتيب اولولياتك لحد سلوكياتك الظاهريه نظره عينك كلامك 

وانا دايما بربط النضج بالوجع ومش دايما الوجع بيقي كبير لا انت وانت ماشي ف الدنيا هتلاقي موافق بسيطه بتؤرقك بس موقف جنب موقف جنب موقف بيبدا الوجع ياخود حيز من مشاعرك 

انك تتعرض لموقف او مواقف تضايقك توجعك ماتخلكش مرتاح دا يمكن اكتر حافز يخليك تفكر دماغك دي تبقي مكنه تفكير محرقه ودا يمكن اللى بيخلينا ندخل ف حاله اكتئاب وانعزال 

وانا تجاربي مع  الاكتئاب اني once اكتئبت نفسيتي بتبقي vulnerable اي كلمه اي موقف اي حاجه معجبتنيش بتتعظم جوايا وبتضايقني اكتر ما المفروض تضايقني وانا كدا دخلت ف حلقه مفرغه 

 

من مظاهر قوه المشاعر انها ممكن تخليك ماتنمش ماتعرفش تبطل تفكير تبقي هتموت وتنام وعقله وجسمك بيستغيثو محتاجين يفصلو والمنطق انك لازم تنام ف بكره صحيان بدري ف حركه ف تعامل مع بشر ودا ف حد ذاته مرهق بس انت مش هتنام بردو

وبردو مشاعرك دي تخليك تنام  بعمق وراحه غريبه ودا بيحصل لما تدخول ف نوبه عياط تطلع فيها كل طاقتك ومشاعرك السلبيه بتبقي عايز يتنام وكانك كنت بتجرى بلا هدف بلا خط نهايه  

 ممكن بسبب مشاعرك تحس انك مش قادر تقوم من السرير وتعمل اللي انت دايما بتعمل مستسلم للسرير مافيش طاقه مافيش شغف مافيش هدف