extremely toxic

تفكير خوف قلق توتر تردد حيره "الماده الخام لل toxicity" 

الدنيا دي المفروض انها "دار بلاء" والتفكير دا ابتلاء عظيم وعشان الحمد لله على اننا على دين الاسلام وان اهم قواعد الاسلام اننا نستسلم لتدبير ربنا ومانشيلش هم عشان فى رب قادر على كل شئ

ولكن الانسان عشان ضعيف وعشان الشيطان شاطر بيبدا يفكر كتير كتير ويقعد يحسبها فيلاقيها انها متقفله من كل حته وعشان يعمل حاجه بيلاقي انه هيسيب حاجه تانيه ف المقابل وبردو هو عايزها

بندخل ف دايره مفرغه من التفكير اللي بتتحول لاحساس بالعجز وعدم السيطره علي الامور من حوالينا لان احنا اصلا مخلوقين بقدرات محدوده 

بنحس بضغط وقله  حيله تخوفنا تقلقنا وتوترنا ويبدا التردد هو السمه السائده في حياتنا 

التردد ياااا على التردد دا انت جيت ف ملعبي 

التردد عباره عن ان قدامك طريقين والمفروض تختار الطريق الاحسن ليك

فمتعرفش المفروض تمشي في انهي طريق وتفضل واقف مستني اي اشاره ويا اما تقرر انك تمشي ف طريق منهم وزى ما تيجي يا تفضل واقف مابتعملش حاجه من التردد والخوف اللي مكتفين حركتك 

التردد دا زي ماتكون شخص محايد دايما ف النص شخصيه لا تثير اي مشاكل ولا تثير اي جدل ولا بتاخود اي موقف ولا شخص واضح اصلا وغالبا هو مابيبقاش هو عارف هو عايز ايه

عشان كدا انا بكره التردد عشان انا مش بحب الشخصيات المحايده انا دايما بحب الحاجات ال extreme متطرفه ناس واضحه وصريحه وعارفه هي عايزه ايه وليهم راي وتفكير محدد بحبهم وبحترمهم حتي لو مختلفه معاهم 

بحب "القهوه والاهلي والفسيخ" التلاته للوهله الاولي مالهم اي علاقه ببعض بس في حاجه مشتركه بينهم ان الناس عندهم بيبقو فريقين يا اما بيحبوهم اوي وفي حاله حب وعشق بينهم يا اما بيكرهوهم اوي 

وانا شخصيه مش اجتماعيه ولا ليا اصحاب كتير اوي بس لما بحب حد ويبقي قريب مني ويبقي الاهتمام متبادل فعلا وكذلك الحب ببقي متطرفه في حبه بحبه جدااا وبتعلق بيه اوي اوي ببقي بحب اكلمه بحب اهزر اضحك معاه بحب ابسطه بحب ابينله اني مهتمه بيه فعلا 

عشان انا عارفه اني لما بحب حد بيبقي الحد دا "يستاهل اني احبه فعلا" ومابزهقش منه حتي لواعرفه من 50 سنه