الله vs الانا

هحكيلكو حاجه لما حصلت ضايقتني جدااا ولما فكرت فيها ضايقتني اكتر ..!!

كنت في عزومه في شغلي وكل استف الشغل موجود ولسه بادئين ناكل لسه معداش 5 دقايق لقيت واحد وقف فجاه والناس تقوله كمل اكلك طيب 

قالهم : معلشي لازم اشرب سيجاره  دلوقتي وفعلا طلع شربها

لهفته انه يشرب السيجاره تحزن لان النحيه التاني فهو غالبا ما صلاش "المغرب" 

ولنفترض انه صلي المغرب هل بقي كان عنده نفس الرغبه واللهفه ف انه يصلي ؟؟!!

وطبعا اغلب الاستف ما صلاش المغرب وفضلو يكلمو والعشا بتأذن 

البني الادم ما بيعرفش يفرط ف حق نفسه بس عنده استعداد يضحي بحق "ربنا" عز وجل "عااادي"

عنده استعداد انه يجي علي حق "ربنا" عز وجل عشان مديره ف الشغل او عشان اي حد ليه مصلحه معاه 

احنا محتاجين وقفه مع النفس والانا اللي جوانا لان احنا ملهيين بالدنيا غرقانين في ملذاتنا الشخصيه وبنتناسا دينا و"ربنا" عز وجل

بقينا نخاف من الناس اكتر من "ربنا" عز وجل بقينا عايزين رضا الناس ومتجاهلين رضا "الله" عز وجل

احنا وصلنا لدرجه الشفقه عشان متخيلين اننا مش  محتاجين "الله" عز وجل