خناقتي مع رد سجون

تفاجأت بموبيلها الصامت منذ ابد الابدين يرن باسم خطيبها لتبتسم "وكيف لا تبتسم للشخص الوحيد الذي جعلها تفتح له حدود قلبها وتحرر له مشاعرها بعد صمود دام سنوات امام كل ماهو مغري محرم هو الوحيد الذي استطاع ان يلمس قلبها ليتبدل حالها وتشعر بالحب اخيرا"  وهي ترد عليه وتقول بصوتها الشقي : اهلا بقلبي اللي مختفي بقاله كام يوم يارب يكون الشغل خلص اخيرا 

على الناحيه الاخري كان وجهه لايبشر بخير وطال صمته 

قالت: الو؟؟ انت معايا؟؟

لم يرد 

قالت: الوووووو؟؟؟ محمد 

قال: معلشي ماكنتش سامعك

قالت: انا قولت كدا بردو هاااا احكيلي اليومين اللى فاتو كنت عامل ايه من غيري تعرف انك وحشتني جدا

قال: عامله ايه يا زينب

قالت باتسامه واسعه: بقيت كويسه 

قال: زينب انا عايز اقولك علي حاجه

شعرت بالخوف من نبره صوته المخنوقه 

 وقالت: قول انا سمعاك

صمت قليلا ثم قال: انا اسف وكانه يتعمد ان يزيد من خوفها

قالت بحذر: اسف ليه؟!!!!

قال:انا علي علاقه بليلا من 3 شهور 

ليلا" ليلا تكون صديقه زينب من اكتر من 10 سنين ليصبحوا اخوات اكثر من انهما اصدقاء زينب التي لم تعرف الثقه المطلقه في اي شخص الا عائلتها وليلا"

لتقول: يعني ايه على علاقه بليلا من 3 شهور وليلا مين ؟ صحبتي

قال: اه ليلا صحبتك 

قالت بتساؤل: يعني ايه على علاقه بليلا بقي لتكمل جملتها بضحكه : وبراحه عشان ما فهمش غلط دي اعراض ناس

قال محمد بجديه: يعني انا وليلا بنحب بعض من تلت شهور تقريبا المفروض ان كل كلامنا عنك بس .... لقيت نفسي بحب اكلمها اشوفها ولما بختفي فجاه بكون بكلمها وبعد تلت شهور فوقنا من اللي كنا فيه على اننا بنحب بعض عشان كدا اختفيت يومين عشان مش عارف اقولك ازاي 

لينقبض قلبها ويجد الالم طريق واضح نحوه ويضيق صدرها لتعجز عن اخذ نفسها كاملا  وتنقلب حياتها راسا على عقب لتخسر ف لمح البصر اقرب اثنين الي قلبها ولا يوجد اي طريق للرجوع  

لتقول: وهي بتحبك؟؟

ليقول: اه بتحبني

قالت زينب: طب مش انت بتحبني 

قال: انا بحبك فعلا بس معرفش ايه اللي حصلي

قالت وهي مبتسمه ودموعها تنزل : حبيتها اكترعشان هي تتحب فعلا 

لتنظر الي دبلتها وتخلعها من يديها وتقول بصوت مهتز: اخلع دبلتك يا محمد وهنبقي نتصل بيك تاخود حاجاتك مع اني كنت بحب شكلها علي ايدي كنت بحبها عشان هي دبلتك واسمك محفور جواها بس مابقاش ليها لازمه ولا دبلتك بقي ليها لازمه 

قال محمد باسف: انا اسف انا ماكنتش اتوقع اني هعمل فيكي كدا 

لتغلق في وجهه الاتصال

ضاق صدرها واختنقت انفاسها لا تعلم ماذا تفعل فقدت اعز شخصين الى قلبها 

لم تنم هذه الليله بتكي بصمت 

لتتفاجأ بليلا جائت الى عملها قائله بنبره مرتعشه:احنا لازم نتكلم 

نظرت ليها زينب في استسلام وخيبه امل والم من  خيانتها سواء بعلاقتها بخطيبها او خيانتها لثقتها بها 

تراها ليلا واثار عدم النوم والبكاء ظاهر على عيناها تشعر بعدم اتزانها بانها تائهه

جلسا امام بعضهما 

مسكت ليلا يد زينب لتنظر اليها بعين دامعه من عذاب ضميراها ومن خوفها لتخسرها  

قالت ليلا:انا ماكنتش عايزاه يقولك 

لتنظر اليها زينب وتقول بغضب: انتي عارفه اني الحقيقه عندي اهون حتي لوهتفشخني ولااعيش مخدوعه وزي الاطرش ف الزفه بعد كل دا يطلع هو فاهمني اكتر منك

قالت ليلا بنبره مرتعشه :انا ماكنتش عايزه اوجعك على الفاضي انا عمرى ما هيبقي في بيني وبينه حاجه 

لتضحك زينب بعصبيه : تلت شهور متصاحبين وبتحبو ف بعض تقولي ما فيش بينك وبينه حاجه 

لتنظر اليها ليلا مطوله لاتدرى ماذا تقول 

لتكسر زينب هذا الصمت وهي بتسحب يدها بعيدا عن يد ليلا قائلا:عارفه انا طول الليل عماله افكر دماغي ماوقفتش لحظه واللي اكتشفته انك ضربتي مفك فى كل حاجه ف حياتي انتي بوظتيلي حياتي ونفسيتي وثقتي انا من كتر ماعايزه اعاتبك بحاجات كتير مش عارفه اقول ايه  وفى الاخر انا عذرتك عشان الحب والمشاعر مالناش سلطه عليهم وانا عارفه ان محمد يتحب و عشان انا مابحبش اي حد ولا بصاحب اي حد انا عذراكوانتو الاتنين ........ بتحبو فى بعض 3 شهور من ورا ضهرى عمري ماتوقعتها منك كنت ممكن اتوقعها منه انما انتي 

وقفت زينب لتمشي ولكن ليلا امسكت يدها قائله: انا مش عايزه اخسرك بالله عليكي

قالت زينب بخيبه امل: ولاانا كنت عايزه اخسرك لو كنت خسرته لوحده كان عادي ما انتى كنتى هتبقي معايا بس  انا خسرتكوانتو الاتنين مش عارفه اروح لمين ولا اقول لمين ولا هقول لماما ايه لما اقولها اني فسخت مع محمد للاسف انتومافكرتوش فيا انا ساعات كنت بحسك بتحبيني اكتر من نفسك بس انتي اكدتيلي ان مافيش حد مش بيحب نفسه اكتر من اي حاجه ف الدنيا انتي ادتيني درس عمرى في حياتي ماهنساه 

لتمشي مبتعده وهي لا تري بوضوح  بسبب دموعها الكثيفه حتي اصطدمت بمحمد لينظر اليها بشفقه مسحت زينب دموعها في سرعه وهي ترى محمد لتبتسم بعد ذلك لوجوده 

وهو يتبع ليلا قالت زينب وهي تحاول ان تتماسك: ازيك يا محمد ليلا قاعده هناك خودها وامشو ومش عايزه اشوفكو تاني لتكمل سيرها