مسيره ولست مخيره

 ساعات بكره نفسي وبكره تصرفاتي بس غصب عني بتصرف بالشكل دا وكأني متبرمجه على كدا وساعتها بحس اني مسيره مش مخيره 

وساعات بحس ان شخصياتنا عامله زي البصمه وبنتصرف في حدود شخصياتنا كدا وصعب شويه اننا نخرج بره شخصياتنا ونعمل تصرف غير مختلف عننا وعشان كدا صعب نتغير 

عشان كدا بحس ان شخصيتي رباطني من جوايا وكاني منساقه وراها بكره نفسي ساعتها 

ببقي عايزه اعمل حاجه وبعمل حاجه تانيه خالص 

مش انا بطله قصه حياتي و مش انا القوي العظمي فيها انا بطل ثانوي وسط ابطال اقوي مني شخصيا 

انا اضعف بكتير ومش بالقوي اللي ظاهره عليا

ومش عارفه ليه دايما حاسه ان اغلب الناس اللى حواليا اغبيه وانا اغبي واحده فيهم

وانا اكتر حاجه تستفزني الغباء 

انا لو فتحت قلبي هتلاقي تعاسه تتسرب منه ليصب منها ف كل خليه على حدا 

وكل هذه الضحكات والمزاح ماهوالا اخر حصن ضدد هذه الحياه 

اصبحت اخر شخص اعتقدت ان اكونه 

لو هذه الحياه سباق لكنت اتمشي فى اخره وانا اراهم يتسابقون يقتلون انفسهم ليفوزو بهذا السباق الذي لا نهايه له الا بموتهم