Deeply

انا شخصيه صعب شويه انها تفرح بس انا عارفه ليه؟!!

بسبب نظرتي اللي بقت سوداويه شويه من بعد الكليه تحديدا......

مش هقول متشائمه بس بخاف اتفائل!!

تاني حاجه.......

انا بكره التغير انا طلعت شخص روتيني شويه بخاف من التغير 

طلعت شخص خواف بردو !!

ولما تيجي لحظه الفرح انا مش بقف عند اللحظه دي وبس 

لا انا بعديها بشوف هيترتب عليها ايه!!

واغلب لحظات الفرح بيجي وراها اصعب لو فكرنا....

بعد نجاح الاعداديه الكبير بتيجي الثانويه تحط علي كله وبعد نجاح الثانويه الساحق

بتيجي كليه من الكليات الصعبه اوي بتتفحت فيها على الاقل 4 سنين 

وبعد ما تخلص كليتك بتنزل ارض الواقع وممكن تقعد تدرس 20 سنه وف الاخر

مافيش شغل!! مفاجأه مش كدا

وممكن تلاقي شغل بس مش على قد طموحك!! وه 

وبعد كام سنه عايز تتجوز والجواز فرحه بس بعد الفرح حرفيا انت بقي ملزم انك تكبر

عشان تعرف تشيل مسؤليه 

ولما تسألوني ايه الفوبيا بتاعتك؟! هقول اني اكبر ف السن او احس اني كبرت 

عايز تحقق نفسك لازم تصبر وهتصبر كتير يعني اللى ماعندهوش صبر زي حالاتي كدا هيكتئب كل شويه 

خوفي من التغير مش مخليني عارفه اتحرك ولا اخد قرار عشان كدا انا ف مكاني بقالى سنتين 

"يعني انا خوافه ومش بعرف افرح ونظرتي سوداويه وبخاف اكبر وبكره التغير"

دا انا عايزه حد يرقيني احيه😅

انا عايزه ارجع الكليه تاني او حتي الثانويه 😢