خرم ابره

 كل واحد ليه نظرته في الحياه عنده وجهه نظر المختلفه عن اي حد وممكن نكون كلنا نبقي صح 

عشان نظرتك للدنيا دى عامله زى خرم الابره اللى بتبص منه على الدنيا نظره محدوده اوي اوي 

عشان كدا ماينفعش تشوف نفسك صح دايما المحدوديه اللى انت فيها تخليك تشك ف كل تفكير بتفكره

الحزن والوجع والاحتكاك بالناس بيخلوك انضج اعقل وكل ما بتنضج كل ما بتحس ان رايك مش مهم 

ومش ف كل وقت لازم تقول رايك وبتحس ان النقاشات فى وجهات النظر ماهى الا تضيع وقت ومجهود انت اولي بيهم 

كل ما هتبقي انضح هتفكر ف تصرفات وتفكير الناس اللى حواليك اللى ممكن تكون ضددها وتسال نفسك مايمكن هما صح

ومع ذلك فى ثوابت وقواعد فى دينا بترسخ جوانا معتقدات مافيهاش نقاش مافيهاش احنا صح ولا لا حتي لو كان العالم كله بيقول اننا غلط لاننا مؤمنين والايمان عمره مايتهز بكلام انسان 

"عشان كدا لما بننضج ما بنتناقش فى معتقداتنا ولا بنقاوح فى الغلط"