الناس عباره عن شويه اسرار فوق بعض

 انا بحب اسمع الناس جداا بحب اسمع حكاوي الناس وعن حياتهم 

بحب اعرف تفاصيل حياتهم

 وبحب اسال اساله عميقه اعرف باجاباتها حاجات كتير عنهم

يعني اي بني ادم انا اعرفه بيبقي جوايا فضول ليه 

النبي ادم دا حياته عامله ايه قصص عن حبه الفاشله 

قصص عن اصحابه واللي يطلع وحش واللي يطلع حلو 

قصص عن اهله وهل شايف انه اتربي صح ولا غلط 

العقد اللى طلع بيها من تربيته سواء بسبب البيت ولا المدرسه ولا حتى المجتمع

ساعات ببقي بسمع من غير ما اعلق ودا عشان اسمع القصه كلها كامله 

مع ان فى ناس تفتكره عدم اهتمام اني مش بناقشه لا انا مستنياه يخلص بس 

عشان انا لما بحب احكي حاجه بحب احكيها على بعض الاول 

والحمد لله الواحد ليه نظره ف الناس نادر لما تخيب ودى حاجه انا بحبها ف نفسي جدا

واحساسي اغلب الوقت صح ودي حاجه بتخوفني ..!!